اسألوا أهل الذكر

الأحد، ١٧ يونيو ٢٠٠٧

تاجات ثلاثة في تاج واحد ... يا بركة دعاكي يا أمّه

السلام عليكم ورحمة الله وبركاته




تاجات ثلاث قد مررت لي

أجلتها آسفا

لما مر بي منظروف يعلم الله وحده بها




مررها إلى ثلاثة من أعز المدونين إلى

احترت في ترتيبهم

فتوصلت إلى ترتيب أبجدي

فتاة الجنه

فكك مني

مش أنا


أجمل حاجه

انه نفس التاج مكرر


فجزاكم الله خيرا


ووفقني الله للرد عليكم








إنت مين ؟


أخوكم البوسطجي 2


ولو عاوز تعرف معلومات أكتر


تتبع كتاباتي .... تعرف من أكون

_____________________________




مين أكتر ست شخصيات بتحبهم؟؟


يااااااااااااااااااااه

سته بس

دا أنا قلبي مساكن شعبيه




وأنا من هذا المزنق

أحب أعرفكم بأحب الشخصيات لقلبي




بوجي وطمطم


بوجى بوجى بوجى و طمطم

بوجى و طمطم فى رمضان

ادى الاسم و ادى العنوان


برنامج اولادى بناتى

وبردو رجالى و ستاتى

الفوانيس و مسحراتى

ويا الطبلة بتقول طمطم

تمتمتمتمتمتم

بوجى و طمطم فى رمضان


الللللللللللللللله كنت بموت فيهم يا ناس

و طماطم الصغننة

و السمكة كيكي

و الضلمة متخوفشى يا سمكة ملونة الضلمة حلوة خالص و احنا مع بعضنا

نقدر نحكى حكايات و نغنى اغنيات

و الضلمة متخوفشى


طماطم هى الوحيدة اللى قللت عندى فوبيا الخوف من الاماكن المظلمة

و بوجى و طفاسته و سكرته و مناكفته مع طمطم


كنت بحبه اكتر منها اصلها كانت عاقلة اوى

انما هو طفل اوى ههههههههههه


و بطنى بتوجعنى

اه يانى اه يا بطنى

تيراتيرا تيرا

حرمت املاها اوى تانى

اه يا بطنى

حرمت اظلط حرمت اظلط من غير ما امضغ بسنانى

اه اه اه يا بطنى


حرمت يا بوجى ؟؟؟؟


حرمت حرمت

ترمرم

حرمت و اللقمة الزايدة

و كمان تغميسه

اللى ياكل زيادة عن طاقته

اه اه

تزعل منه اوى معلقته

اه اه و الشوكة تشكه فلسانه

و الناس تضحك على فجعنته


اااه

ازيك دلوقتى يا بوجى؟؟

بطنى بتوجعنى يا طمطم

ايه نوع الشكوى يا بوجى

ادق عليها تقول طمطم

سمعنى طم سمعنى ..طم ..

سمعنى ..طمطمطمطمطم.



.و فلافيلو و عم شكشك و ابوه اللى يناديله من وقفة الشباك

و يقوله يا شكشك يا ابنى انت مبتزهقش

وهو يقوله حاضر يابابا جى اهوه

كان بيعجبنى اوى برغم كبير و يقول لباباه حاضر بادب كده


و الا طنط شفيقة اللى كنت ليل نهار اقلد صوتها لامى

و اتقمص زيزي اللى مبتسبش حد فحاله بتاتا و اروح اغتت على كل صحابى


و زيكا وزيكو



دول أحب الشخصيات لقلبي

وأعتقد انهم أكتر من سته






_____________________________________


أنت سعيد ؟


الحمد لله


القرآن قال في سورة آل عمران


وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ

مش معقول أسمع الايه دي وابقى حزين




وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ إِنَّ رَبَّنَا لَغَفُورٌ شَكُورٌ



اللهم اجعلنا منهم يا رب العالمين


_______________________________


لو أجتمعت أنت وحسنى مبارك فى غرفة واحدة هتقوله ايه؟



هحاول أستحضر معية الله

وان أفضل الجهاد كلمة حق عند سلطان جائر

ونحن قوم أعزنا الله بالإسلام


والنماذج دي كلها




ومن هذا المزنق

أحب أقوله





سيادة الرئيس

قد يكون هذا هو آخر لقاء بي بكم

ولن أنهيه بنفاق ولا رياء


ان كنت قدرنا أعاننا الله عليك

وان كنا قدرك أعانك الله علينا


ما عدلت فلنفسك

وان ظلمت فعلى نفسك


والكل أمام الله سواء


سيدنا عمر كان يبكي ويقول ليت أم عمر لم تلد عمر

وكان يخشى أن تعثر بغلة في العراق فيسأل عنها


شوف انت كام انسان متعثر في غياهب السجون والمعتقلات


بتقول لا دين في السياسه ولا سياسه في الدين


وحطيت نفسك مع قيصر

لما قال


ما لقيصر لقيصر وما للإله فللإله


راجع نفسك ياريس قبل ما تقابل ربك

ربنا يهديك ياريس أو يهدك



_________________________________



بتحب مصر؟



بعشق ترابها ونيلها

الصبح لما أروح الكليه وأقابل عم سيد ويدعي لي دعواته الحلوه


لما تقابل ولادها وتشوف ابتسامتهم الصافيه رغم انهم مطحونين ومهمومين


لما تسمع ضحكه من القلب


بفرح أوي لما أسمع اسمها في القرآن وفي السنه


نفسي أشوفها في يوم حره

وعلى شرع رباه سايره


نفسي ترجع تاني مصر


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


بتحب البنات؟


معلش اسمحولي أغير السؤال شويه

وأخليه ايه رأيك في المرأه



المرأة



ملهمة الشعراء و الادباء

اميرة علي قلوب الرجال

سواء كانت ام او زوجة او بنت او اخت


غموض يتخفي وراء الوداعة و البراءه

قلب يسع الدنيا كلها و يغرقها حبا و حنانا



من هي في الحقيقة؟؟؟



هي الام.....


التي تعبت و سهرت و ربت و عانت كثيرا و احتملت طويلا في سبيل تربية ابنائها

و تتمني لو انها تفدي اولادها بروحها و لا انهم يحسوا باي الم او وجع


نبع الحنان الصافي و قلب الرحمة البريء


وجه به طيبة الدنيا و قلب به حنان العالم


عقل مشغول بالتفكير في اولادها


و انا رايي ان المرأة تظل مرأة كما هي حتي تصبح اما..


.ساعتها تصبح الملكة المتوجة




هي الزوجة


التي تتحمل الكثير مع زوجها

و تقود معه سفينة البيت في بحر الحياة المتلاطم الامواج


تنير له حياته بالحب والامل....تسانده وقت ازمته

تفرح معه وقت فرحه

و تحتمله وقت ثورته و غضبه

تنتظر عودته اليها بشوق و لهفة

حتي وان كان بينهما خصام


هي النصف الاخر للرجل


القلب النابض له

هي الوردة الجميلة التي يستريح لرؤياها

هي الواحة الهادئة التي يهرب اليها من صحراء الدنيا و لهيبها



هي الاخت


التي تحب اخاها و تحتمي به

و هو يحبها و يعتبرها اختا و اما و صديقة له


هي اصفي القلوب له

وانقي حب في حياته


تجزع اذا سمعة كحته

و تتالم لالمه

و تتمني الا يصيبه مكروه ابدااااااااااا


هي ضحكته البريئة وهو كتفها القوي

و اليد الحنونة اللي بتطبطب عليها و تحتويها وقت ما تهزمها الدنيا





هي الابنة




حبيبة قلب ابيها و امها

ضحكة اباها و فرحة عمره


نسمة الهوا اللي لما تعدي عليه...ينسي همومه و يضحك لها


هي بسمة الامل في بكرة


و الحب الصافي


هي اجمل ما في حياة ابيها و اروع هدية اعطاها الله تعالي له


ذلك رايي ببساطه


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


أيه اكتر موقف محرج أتعرضت ليه؟

واتصرفت ازاي؟


صدقا أول ما السؤال مر عليا


لقيتني برجع ورا أوي


رجعت لأيام ابتدائي

وميس نجوى


كنا في حفلة يوم الأم

قبل الحفله كان فيه بروفات طبعا وكده


قعدت على الكرسي وشردت بعيد



لا

ما تروحوش بعيد




الشوذ بتاع ميس نجوى دي كان غريب جدا


فكنت عمال أبص عليه



وتخيلت حوار دار بيني وبينه



أنا سامعك بتضحك يا باشمهندس علاء وجمعاوي



المهم

أخدت بالها


نادت عليا


طبعا أنا فكرت ان اللي أنا بكلمها هي اللي بتنادي


فغنيت وقلت


اللي عاوزني يجييلي

أنا ما بروحش لحد



لقيت حد بيخبطني في كتفي


كان واحد زميلي بيفوقني


وقعدت تتريق عليه

عاجبك أوي الشوذ


وأخوكم وشه جاب ألوان الطيف


كان حتة موقف


طبعا اتكسفت أقول للبيت عليه

وممكن لأول مره بابا يعرفه

لما يقرأه هنا


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ايه الأمنيه اللي بتدعي ربنا انه يحققها ليك؟؟



اللهم بلغ دعوتنا للآفاق




نفسي الكل يعرف حقيقة الإسلام ومنهجيته


سواء مسلمين أو غير مسلمين


نفسي الناس تعرف مين هما الإخوان

وتفهمهم صح






ولو على الهدف التاني

أكون ناجح في شغلي وأقدر أكون نموذج يشرف الإسلام


ياريت تدعوا أحقق الحلمين دول

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


صدقا مش عارف أقول ايه للناس دول

لكن يارب أكون عند حسن ظنكم

جزاكم الله كل الخير على التاج ده

وآسف على التأخير

أنا عارف ان انتوا فقدتوا الأمل في الرد
كنت عاوز أمرر التاج ده لحبايبي
بس للأسف
أنا آخر واحد أرد عليه أصلا
أنا آسف لو كنت طولت في الردود
لكن دول 3 تاجات مش تاج واحد





حفظكم الله ورعاكم أخوة الخير

أسألكم الدعاء ... أخوكم البوسطجي 2

هناك ١٨ تعليقًا:

عصفور المدينة يقول...

كان طويل شوية
بس عدى الحمد لله
أعزك الله

طالب اخوانى يقول...

ده كله كلام يا بوسطجى .. تعبتنا معاك .. بس الحمدلله الواحد طلع بمعلومات جديدة ..
ابقى افتكرنا كده باتصال ولا حاجة .. ولما لما تبقى تعدى على الموقف بتاعكوا عندنا ابقى عدى على البيت .. بلاش كده ..

غير معرف يقول...

فعلا دلوقتى صدقت ان الهروب من الاسئله ليها ناسها بس هتهرب من مين يا بوسطجى ده أنا حفظك


وعلى العموم لو حد عاوز يعرف معلومات عن البوسطجى يركز قوى فى الردود وهوه هيخرج بتائج مذهله


معلش يابوسطجى مهما كانت درجه اختيار الكلمات والردود لازم الحقيقه تظهر فى النص


أخوك وحبيبك
الشهيــــــــــــــد

elbostagy2 يقول...

السلام عليكم ورحمة الله وبركاته

الكريم عصفور المدينه

سعادة تنتابني حينما أرى تعليقا منكم
لا أعلم مصدرها

إلا أنني أبررها بالحب في الله

أعتذر لو كان طويل شويتين تلاته

بس دول 3 تاجات
فإكراما لأصحابهم يعني

دمت بكل ود أستاذي الكريم
أسألكم الدعاء ... أخوكم البوسطجي 2

elbostagy2 يقول...

السلام عليكم ورحمة الله وبركاته
حبيب قلبي مشمش

منور والله يا غالي

اعذرني كنت مسافر

ولو تعبتك من كتر القراءه
فده أقصر كتير من موضوع الانتخابات

انتظرني قريبا
بس اقعد في البيت بس

وافتح الميل

دمت بكل ود
أسألكم الدعاء ... أخوكم البوسطجي 2

elbostagy2 يقول...

السلام عليكم ورحمة الله وبركاته

الكريمه النجمه الصامده

رزقكم الله الثبات والصمود وجميع المسلمين

وكمان دعايه بدون إذن
إذا فهي الحرب

هعمل مدونه وأسمها صبيانات

"ايموشن بيطلع لسانه"

دمتم بكل ود أخوة الخير
أسألكم الدعاء ... البوسطجي 2

elbostagy2 يقول...

السلام عليكم ورحمة الله وبركاته

من هذا المجهول

أعرف تلك الرائحه
انه البنا الشهيد

مش ناوي تعمل مدونه بقى يا ابني

غموض ايه يا عم
وشفرة دافنشي
والكلام الكبير ده

يا عم دا أنا غلبان

نتقابل على المازنجر

بس لما أقابلك بس
"ايموشن بيولع في اللي قدامه"

Alaa يقول...

اجابات جميلة و راقية
ربنا يبارك فيك

سؤال
كلمتلي الراجل و لا لسه ؟
:)

جمعاوى يقول...

البوسطجى باشا
لا خليها أبو يوسف أحسن
ايه يا عمنا الغجابات دى
على فكرة فعلاً أنا كنت بأضحك لمنا قريت موضوع ميس نجوى
و حش\نى كلامك
و بالله عليك إدعيللى
و فكر ف الموضوع اللى كلمتك فيه

elbostagy2 يقول...

السلام عليكم ورحمة الله وبركاته

مهندسنا الهمام

بوراءه يا عم
جاوبت أهو


ج/

أما بخصوص الراجل
للأسف أنا لسه واصل حالا من بره
الساعه دلوقتي 1.30

ان شاء الله هكلمه في أقرب فرصه

دمت بكل ود أستاذي الكريم
أسألكم الدعاء .. البوسطجي 2

elbostagy2 يقول...

حبيبي الغالي جمعاوي

فينك مش ظاهر من زمان

انت بدأت انطحانات ولا ايه

قولي بس
كنت بتضحك ولا شمتان في موضوع ميس نجوى ده

لما أقابلك بس

بخصوص الموضوع
حصلت تطورات مثيره

كلمني ضروري
على الميل
أو اتصل عليا

أوكي يا حبي

وادعيلي كتير

Alaa يقول...

أحمد

محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

رفقة عمر يقول...

مش قادرة ااقولك انا كنت داخله المدونه وانا كنت نفسيا مش كويسه بجد اول ما شوفت موضوع بوجى وطمطم وخصوصا اغنيه بطنى بتوجعنى لاقيت الابتسامه على وشى ورجعتنى لايام الطفوله
جزاك الله خيرا
انك اضحكتنى حتى ولو دقائق

elbostagy2 يقول...

السلام عليكم ورحمة الله وبركاته

أعتبرها دعايه يعني يا باشمهندس


رابطه وكلام كبير
ماشي
من ورانا كده

ان شاء الله نتقابل هناك يا هندسه
ونتقابل قريبا ان شاء الله

دمت بكل ود أخي الكريم
أسألكم الدعاء ... البوسطجي 2

elbostagy2 يقول...

الكريمه رفقه عمر
سلام الله عليكم ورحمته وبركاته

أذهب الله عنكم الهم والحزن
ورزقكم الصبر
وزودكم التقوى
ووهبكم السعاده

يعلم الله ما ينتابني من فرحة إذا ما رأيت ردا يعقب على كلامي منكم

وأحمد الله أنني استطعت أن أرسم بسمة ولو للحظات على ثغركم الكريم

ارمي همومك على ربنا
وان شاء الله خير

ادعي كتير
وحاولي تزودي إيمانياتك

وان شاء الله مش هننساكي من دعائنا

دمتم بكل ود أخوة الخير
أسألكم الدعاء ... البوسطجي 2

ftataljanna يقول...

جزاكم الله خيرا

بس فعلا ردودك طويله اوى

انا فاكره ان كان فى زمان حاجة اسمها بوجي وطمطم بس تصدق مش فاكره عنهم اى حاجة

معلش بقى لزوم الزهايمر

اصل انا ذاكرتى ضعيفه جدا الحمد لله

غير معرف يقول...

ما شاء الله

كلمات بسيطه تحمل معاني كثيره

غير معرف يقول...

I am really thankful to the owner of this web site who has shared this enormous article at
at this time.

Feel free to surf to my website - win roulette