اسألوا أهل الذكر

الأربعاء، ٢٨ نوفمبر ٢٠٠٧

طلاب جامعة المنصورة يطردون السفير الأمريكي من الجامعه

زار السفير الأمريكي فرانسيس ريتشاردون اليوم مدينة المنصورة في ظل تشديدات أمنية صارمة

حيث نزل في فندق جامعة المنصورة " فندق رمادا" وكان مقررا أن يزور جامعة المنصورة ليلقي كلمة في كلية التربية بأحد أكبر مدرجاتها
حتى احتالت كلية التربية إلى ثكنة عسكرية

بدأت بتواجد 17 شركة أمن خاص لتأمين موكبه
وكلاب بوليسية مدربة منذ الصباح الباكر
وتواجد عالي من أمن الدولة
كما تم التشديد على البوابات الداخلية لكلية التربية بحيث لا يتمكن إلا طلابها فقط من الدخول

وأول ما وصل الوفد
فوجئ الأمن بطلاب الجامعه يهتفون مطالبين بطرد السفير من داخل الحرم
في مشهد أصاب الأمن بصدمة شديدة

"أول مطلب للطلاب .. السفير بره الباب"
"السفير بره بره .. سيب الجامعه حره حره "
"مش عايزين إصلاح من بره.. الإصلاح بإيدينا الحره"

"الكنيست قالها زمان.. حاربوا المصحف والإسلام"

"مش عاوزين معونات.. إحنا عاوزين حريات"

"يا سفير الأمريكان.. إحنا مش عايزين إحسان"



حاملين لافتات بالغتين العربية والانجليزية تندد بزيارته




فلم يقف الموكب من الأصل
بينما خرج من الباب الآخر
متجها إلى دار ابن لقمان الأثرية

وألغيت الزيارة تحت ضغط الطلاب

فيما وزع الطلاب بيانا
استنكروا فيه الهيمنة الأمريكية والتطبيع مع العدو والذي وصل إلى التدخل في شئون الجامعه
كما رفضوا رفع العلم الأمريكي على فندق الجامعة
ورفضوا المحاكمات العسكرية التي تتم بمباركة أمريكية
كما نددوا بمؤتمر أنابوليس المدعو للسلام










كم كانت فرحتي إذ قال الطلاب كلمتهم
كم كانت سعادتي إذ غير الطلاب واقعا بوقفتهم
من هنا يبدأ النصر ....




هحاول رفع باقي الصور بعد الامتحان ان شاء الله
دعواتكم


هناك ١٤ تعليقًا:

ا بـن عــمــر يقول...

بصراحه رجاله
بجد والله ان فرحت جدا
وهو دا عهدنا دائما بالطلبه هم نبض حرية هذا الشعب
الى الامام الى الامام
لا للدعات الاستسلام
شعب مصر يا اصيل
يلا بقى كفايه تمثيل

ا بـن عــمــر يقول...

يا سلام بحب انا الكلام دا موت

"أول مطلب للطلاب .. السفير بره الباب"
"السفير بره بره .. سيب الجامعه حره حره "
"مش عايزين إصلاح من بره.. الإصلاح بإيدينا الحره"

"الكنيست قالها زمان.. حاربوا المصحف والإسلام"

"مش عاوزين معونات.. إحنا عاوزين حريات"

"يا سفير الأمريكان.. إحنا مش عايزين إحسان"

عصفور المدينة يقول...

أرجل رجالة وأبنت بنات كمان :)
وما أجمل هذه المفاجأة

عمر محمود يقول...

وحشتنا أوى لحركات دى
أنا نفسى أرجع الجامعة تانى
شكراً للبوسطجى
وشد حيلك فى الامتحان
عاوزين نتيجة تشرف

محمد مارو يقول...

الف شكر يا بوسطجى باشا ع تعليقك عندى و كمان بقول لك عقبالك شد حيلك بئه

elbostagy2 يقول...

السلام عليكم ورحمة الله وبركاته
الكريم ابن عمر

أسأل الله أن يجمعني بك في جنة الخلد ، قل آمين

اللهم استخدمنا لنصرة دينك ولا تستبدلنا

elbostagy2 يقول...

السلام عليكم ورحمة الله وبركاته
الغالي عصفور المدينة

اللهم اجعلنا خير مما تظنون ويغفر لنا ما لا تعلمون

ادعي يا أستاذنا ان ربنا يبعد السلبيه عن جميع المسلمين
ويتحركوا لنصرة دينهم وقضايا أمتهم

elbostagy2 يقول...

السلام عليكم ورحمة الله وبركاته
الكريم عمر محمود

الدعوه وتفعيل القضايا مش في الجامعه بس
الجامعه مرحله لا تعوض فعلا
أسأل الله أن يستخدمنا فيها

لكن الدعوه محتاجالك في مكانك
وهنسأل عنها يوم القيامه

دمتم في حفظ الرحمن
أسألكم الدعاء

elbostagy2 يقول...

السلام عليكم ورحمة الله وبركاته
الغالي مارو
ألف مبارك يا حبيبي على النتيجه
وعقبال الدكتوراه

دعواتك

أنا مسلمة يقول...

ومن هنا يأتى النصر
______________________
عندما سمعت خبر طرد السفير الأمريكى تذكرت قصه الشاب الذى أخطأ سهم من عشره أسهم فجلس يبكى ولم يستطع أعداء الإسلام فى هذا الوقت دخول الأندلس
ولم بدخلوها إلا بعد ضياع القيم وغياب الإسلام من القلوب

فجزاكم الله خيرا شباب الإسلام
وياليت كل شبابنا يفوق وينهض ويعيش من أجل إسلامه وأمته
لنقول ومن هنا يأتى النصر

elbostagy2 يقول...

السلام عليكم ورحمة الله وبركاته

الكريمة " أنا مسلمة"
أسأل الله أن يستخدمنا لنصرة دينه ولا يستبدلنا
وأن يردنا إلى الرشد أجمعين

غير معرف يقول...

اعجابى وتقديرى لاحلى شباب ربنا يعينكم ويوفقكم ويجعلكم اداة لنصرة الاسلام

غير معرف يقول...

بجد مش عارفة اقول اية بجدبش هقول كلمة وحدة بس انتو كدة تستحقواتكونوامن مصر هى دى مصر بولدهاالجامدين اوى وانا لسة طالبةفى ثانوى وتمنيت اكون معاكم فى الوقت دةربنا يوفقكم جميعا ان شاءيارب عز الاسلام والمسلمين وجعل كلمة الحق راية للمسلمين

غير معرف يقول...

great points altogether, you simply won a emblem new reader.
What may you recommend about your put up that you just made some days ago?
Any positive?

My site; nytimes626.com