اسألوا أهل الذكر

الأربعاء، 2 مايو، 2007

فـــن التعامــــــل

السلام عليكم ورحمة الله وبركاته
طبتم وطاب ممشاكم وتبوأتم جميعا من الجنة إخوة الخير منزلا
كتير جدا دلوقتي بنسمع كلمة اتق شر من أحسنت إليه
كتير بنسمع من الناس الملتزمين اللي يقول ان أنا بعامل الناس كويس
بس مش بلاقي معامله بالمثل
لدرجة ان أنا مش عارف أتعامل زي ما أنا ولا أعاملهم زي ما بيعاملوني
قد يتفق معي البعض وقد يختلف آخرون
لكنها الحقيقة من وجهة نظري
يا جماعه احنا قاعدين نقول ان الناس أصبحوا وحشين ..
ما فيش أمان ولا أمانه..
مافيش تقدير للي احنا بنعمله..
ما فيش حب .. ما فيش حنان .. ما فيش أمل
الدليل على وجود الحاجات دي انتم
اتفقتوا على الحاجات دي
رغم اختلاف أماكنكم وانتمائاتكم
يبقى ازاي مش موجوده
أنا معاكم ان كتير بنعطي وما نلاقيش
بس تصدقوا
متعة العطاء ألا تنتظر المقابل
أعلم أن الكثيرين سيقولون أني أعيش في عالم المثاليه وووو
لكنها حقا متعة
المتعة ألا تنتظر المقابل من البشر
لانه مهما كان سيكون به تقصير
المتعه أن تنتظر المقابل من الله
يا جماعه احنا كل حياتنا لله
الحركة والسكنة .. الكلمة والجملة كلها لله
الرسول صلى الله عليه وسلم لما وضع اليهودي الشوك أمام بيته
وفي يوم الرسول لم يجد الشوك
سأل عن اليهودي
ولما علم انه مريض ذهب وزاره
ده في رايي لسببين
الأول طبعا ابتغاء مرضاة الله
الثاني لان الإسلام نزل لمداواة القلوب والتأليف بينها
الرسول صلى الله عليه وسلم لم يغضب لنفسه قط إلا إذا انتهكت حرمات الله
هي دي أخلاقنا يا اخواننا
أخلاق الإسلام
اللي ارتضينا في يوم ان احنا نحملها ونتعامل بيها
ولو كنا شايفين ان الناس في الزمن ده ما يستاهلوش وما يستحقوش
أعتقد انهم أولى من اليهودي جار الرسول صلى الله عليه وسلم
وتاني هقول متعة العطاء ألا تنتظر المقابل
هي دي أخلاقنا ومش هنغيرها
حقا انها الحقيقه
بعد كل هذه الأفكار التي تراود الإنسان
الحقيقه ان النفس السليمه بتسكن بذكر الله
وان المقابل أو النظير هو رضا الله
وفعلا وقتها لو استشعرنا ده
ستقر نفسي بالسكينة ناسيا ...... ما كان لي في الناس من ثورات
كثيرا ما ينتاب بني البشر أحاسيس غريبه
منها ما يخصه ويعنيه ومنها ما يخص الناس
حقا انها صادقه
لكن الدور دور الإنسان نفسه ولا أحد سواه
دور المرء أن يضعها في المضمار الأصح
لا المضمار الصحيح
دورك انت ان انت تضع انفعالاتك في طريق صح
وأعتقد ان
كسب القلوب أولى من كسب المواقف
عارف ان ممكن تقول ان أنا معقد أو ان أنا عايش عالم المثاليه في الكون
القرآن الكريم لما نزل واتكلم عن الإنسان أو الناس
في كل مواضع القرآن كانت ذم بني الإنسان
"إنه كان ظلوما جهولا ".. " كفارا" وغيرها وغيرها
الإسلام لما نزل نزل علشان يخرجنا من آدميتنا علشان يوصلنا للإيمان
ولو عشنا فعلا الحلاوة دي
حلاوة الإيمان
كل مشاكلنا هتتحل
لو كل واحد فينا بدأ يصلح من نفسه الكون هيتصلح
وهرجع أقول
متعة العطاء ألا تنتظر المقابل إلا من الله
هداكم الله وبياكم وثبت على طريق الحق خطاي وخطاكم
ورزقنا الإخلاص في القول والفعل والعمل
اللهم آمين
دمتم بكل ود
أسألكم الدعاء ......البوسطجي 2

هناك 10 تعليقات:

oceaneyes يقول...

انا بس احب اشكرك على الموضوع الجميل بتاعك ده ...

واتمنى ما تغبش علينا تانى كل الفترة دى ...

ومستنية جديدك ...

على فكرة :- الموضوع بجد حلو اوى

elbostagy2 يقول...

السلام عليكم ورحمة الله وبركاته

المدوٍنة الرقيقه ocean eyes

ليت الكواكب تدنو لي فأنظمها
عقود مدح فما أرضى لكم كلمي


دمتي بكل ود وأعدك بالمزيد


أسألكم الدعاء .... البوسطجي 2

ftataljanna يقول...

الموضوع ممتاز ما شاء الله ربنا معاك
كمل بقى وما تغيبش تانى

elbostagy2 يقول...

السلام عليكم ورحمة الله وبركاته

المدوٍنة العزيزة فتاة الجنة

خليك مكانك يا قلم فى الدرج ماتطلع
لا تكتب شعر ولا تقسم ولا تجمع
ادى العيون فرصة تقول من نفسها
عن كل شئ فيا لعلها تدْمع


دمتي بكل ود

أسألكم الدعاء .... البوسطجي 2

غير معرف يقول...

أخي العزيز

جزاكم الله كل الخير على الموضوع ده
لاني فعلا كنت تايهه فيه

أنا متابعه موضوعاتك على قهوة كتكوت من فتره طويله جدا

ودايما بحس في كتاباتك برحاة شديده

وبجد بتغير كتير في أفكاري


تسلم أفكارك يارب
ربنا يثبتك ويحميك يارب

elbostagy2 يقول...

السلام عليكم ورحمة الله وبركاته

أختي العزيزة أو الكتكوته العزيزة


جزاكم الله خيرا على المجامله دي
ويارب أكون عند حسن ظنك

أشكر المتابعة الغالية

دمتي بكل ود

أسألكم الدعاء ... البوسطجي 2

رفقه عمر يقول...

ماشاء الله اسلوبك جميل ليه مش بتكتب اكتر واضح ان الدراسه شغلاك الاجازة هاتيجى وان شاء الله نشوف بوستات اكتر
وفعلا لازم نعمل اى شئ لله حتى لا يصيبنا الحزن والالم اذا لم نجد المقابل من الاخرين وربنا يعنا ويحمينا من انفسنا الامارة بالسؤ اللهم امين
اشكرك على متابعتك لى وانشاء الله هاتبعك من النهاردة

elbostagy2 يقول...

السلام عليكم ورحمة الله وبركاته

أختي العزيزة رفقة عمر

جزاكم الله خيرا على تلك الزيارة التي أنارت لي الطريق إلى المدونة

وتلك شهادة أعتز بحملها على صدري

جزاكم الله خيرا على الإضافه على مدونتك في المفضلة


ادعيلي بس الفتره دي غير الامتحانات عندي ظروف في الشغل

دمتي بكل ود

أسألكم الدعاء .... البوسطجي 2

غير معرف يقول...

بصراحه اتا مش عارفه اقول ايه بس اللي يفيد ات كل كلامك صحيح بس القله اللي بتعمل زي ما انت بتقول بدليل في مشاكل وصراعات بين البشر وبعضهم وحتى الانسان اللي بيعامل الناس بصدق نيه بيبقى ده هوه اللي غلط ووحش المفروض نعمل زي ما الرسول عليه افضل الصلاه والسلام (الا ادلكم على شئ اذا فعلتموه تحاببتم قالوا ماهو يارسول الله قال افشوا السلام بينكم ) اخر كلامي بتمنى ان العالم كله على اختلاف الاديان يسودة الحب والمودة وربنا يوفقك ويوفقنا امين kota_kota

elbostagy2 يقول...

السلام عليكم ورحمة الله وبركاته

أختي العزيزة kota_kota

جزاكم الله خيرا على المرور وعلى التذكرة بحديث نشر السلام

لازم كل واحد فينا يعملاللي عليه
ويثبت على مبادئه

سيدنا نوح فضل يدعو لربنا 950 سنه وكان صابر وثابت

المفروض ان كل واحد فينا يعمل بمبدأ
أصلح نفسك وادع غيرك

وقتها فعلا هنستريح
دمتم بكل ود
أسألكم الدعاء ... البوسطجي 2