اسألوا أهل الذكر

الجمعة، ٤ مايو ٢٠٠٧

فضائح اللجنة العالمية للمرأة

السلام عليكم ورحمة الله وبركاته
كل يوم نلاقي الحاجه زيزي طالعة في التليفزيون وتنادي بحرية المرأة
تاني يوم نلاقي أم السعد تطالب بوقف إذاعة أغنية ادي الواد لأبوه والسح اندح امبو
تالت يوم نلاقي المحاميه سنيه جنح تطالب بمساواة الرجل والمرأة في الميراث
لدرجة ان أنا بقيت خايف أصحى في مرة ألاقيهم يقولوا
هما ليه الرجاله مش بيحملوا زينا ومش بيرضعوا
يا عم الحاج اهدى بس وقول لنا ايه اللي جد يعني
ما احنا كل يوم بنسمع الحاجات دي
افعص هنا واقرأ معايا
اللجنة العالمية لمركز المرأة تطالب
قال ايه خير اللهم اجعله خير
بممارسة الجنس الآمن والمثالي للمراهقين وتجريم عذرية الفتاة
كما أنه مطلوب من المسلمين والمسيحيين التعاون لمواجهة هذا التيار
أنا نفسي أفهم بس
مين اللي فوض الناس دي انهم يتكلموا بلسان المرأة
لو هي دي الحرية مش عاوزينها
اللي نفسي أفهمه مين اللي وراهم علشان يخاطبوا دول
اقرأ الفقرة دي
حيث تطالب جميع الدول الأعضاء بالأمم المتحدة بالتوقيع عليها وضمان تطبيق ماورد فيها.
وخد عندك دي كمان
وقد بلغ تدخل التقرير في شئون الدول مواد في الفقرة 49 عندما اعتبر ان الدين خاصة في الدول التي يعتبر فيها اساسا للتشريع يحد من فرص المساواة ويزيد من العنف، وطالب بجهود ضخمة لتغيير المعتقدات والأعراف التي تدعو لذلك،
سيبك من كل ده
تعالى بقى نشوف مع بعض هما عاوزين ايه
توفير معلومات الصحة الجنسية للطفلة وتوفير احتياجيات الصحه الانجابيه للمراهقين وتعليمهم الجنس الآمن
طبعا لا تعليق
تعرض لحقوق الشواذ في الفقرة 96 تحت عنوان 'الفتيات السحاقيات' فأكد علي الحفاظ علي الحق في تحديد الهوية الجنسية للفتيات أي أن تختار الفتاة جنسها وتختار جنس الشريك ومراعاة حق الشاذات في التعبير عن آرائهن حول الشذوذ وحقهن في الحصول علي شركاء مثلي الجنس لهن
واعتبر ان التركيز الشديد علي عذرية الفتاة كبتا جنسيا وشكلا من أشكال التمييز ضد الطفلة الأنثي،
طبعا كلنا مؤمنين ان القرآن قال
"الرجال قوامون على النساء بما فضل الله بعضهم على بعض"
نشوف بقى التقرير
تعرض التقرير لما أسماه الهياكل الطبيعية في ادارة البيت اشارة الي القوامة،
حيث جاء فيه انها تمنح الحقوق والقوة للرجل أكثر من المرأة ممايجعل النساء ذليلات تابعات للرجال،
واعتبر هذه القوانين تحد من قدرة المرأة علي التطور الاقتصادي خاصة قوانين الميراث وطالب بالمساواة التامة فيها بين النساء والرجال،
واعتبر التقرير في الفقرة 49 منه ان المهر شكل من أشكال العنف ضد الفتاة وأسماه ثمن العروس، وطالب بسن قوانين تمنع المهر،
بل ان عمل الفتاة دون الثامنة عشرة في منزل أهلها يعتبره التقرير أحد أسوأ أشكال عمالة الأطفال وطالب منظمة العمل الدولية بتجريمه دوليا واعتباره عنفا ضد الطفلة
أنا لحد دلوقتي مش عارف الناس دول بيفكروا ازاي
ولا عاوزيين مننا ايه
وبأي صفه انهم يطالبوا بتطبيق قوانين وتعديلات في الأعراف
مين اللي أعطاهم الحق ده
لو كانت هي دي حرية المرأة فأقسم بالله أن المرأه المسلمة تستحي أن تقرأ مثل هذا الكلام لا أن تطالب به
دمتم بكل ود
أسألكم الدعاء ..... البوسطجي 2

هناك ٢٤ تعليقًا:

غير معرف يقول...

السلام عليكم ورحمة الله وبركاته

أنا كبنت مسلمه مش بعترف بأي حاجه من الهبل ده

وأناكمان بسأل زيك بأي حق يتكلمه
بإسمنا

فعلا فيه ناس معقده كده

ربنا يهديهم أو يهدهم



ضيفه من قهوة كتكوت

elbostagy2 يقول...

السلام عليكم ورحمة الله وبركاته

أختي العزيزة

جزاكم الله خيرا على الزياره فآل كتكوت ليسوا ضيوفا بل أصحاب مكان


في اعتقادي الشخصي ان الناس دول مش كلهم معقدين ولا حاجه


فيه منهم ناس في قمة الذكاء والحنكة

دول بقى بيستغلوا المعقدين عندنا لترويج أفكارهم


وطبعا المخطط واضح

دمتم بكل ود


أسألكم الدعاء ... البوسطجي 2

جمعاوى يقول...

البوسطجى
حبيب قلبى
دايماً مواضيعك جامدة يا بنى و الله
بس أنا ح أخد بنصيحتك
و
لا تعليق

elbostagy2 يقول...

السلام عليكم ورحمة الله وبركاته

أخي الحبيب جمعاوي روش طحن

أحبك الذي أحببتني فيه

جزاكم الله خيرا على المرور يا أفندم

ربنا يستر علينا في الأيام القادمه


دمت بكل ود

أسألكم الدعاء .... البوسطجي 2

غير معرف يقول...

سلام عليكم
أخي البوسطجي

يعلم الله مكانتك عندي

لكنني لا أعتقد انه من أخلاقياتك أن تكتب بمثل هذه الجرأه تلك الألفاظ التي أعتبرها خارجه

أنا أرسلت ليك ميل مش عارفه هو وصل ولا لا

لكن ده حقك النصيحه


ربنا يثبتك

elbostagy2 يقول...

السلام عليكم ورحمة الله وبركاته

أختي العزيزة

وجهة نظر تحترم
لكن لا أعتقد أنني قد خرجت عن حدود الأدب أو الأخلاقيات

جزاكم الله خيرا على النصيحه

لكن مش عارف ايه سبب التخفي

طالما دي مبادئك خلاص
دافعي عنها بكل وضوح

دمتي بكل ود

أسألكم الدعاء ... البوسطجي 2

ftataljanna يقول...

السلام عليكم ورحمة الله وبركاته

حسبنا الله ونعم الوكيل

المراة المسلمة عمرها ماهاتكون كده ولا ترضى بكده

وبعدين الناس دي بتقولوا هما ليه بيعملوا كده

الناس دي اهم حاجة عندهم هدم ديننا هدم الاسلام

هما كل اللى بيعملوه انهم بيحطموا البنيه التحتيه لامتنا وهى المراة

انما الامم الاخلاق ما بقيت فان هم ذهبت اخلاقهم ذهبوا

وانما الام مدرسة اذا اعددتها اعددت شعبا طيب الاعراق

يعنى بيحطموا امه و لا ننكر ذكائهم فى اختيار الهدف

ايوه المراة لو اتحطمت خلاص المجتمع انتهى بكل بساطه

ارجع اقول حسبنا الله ونعم الوكيل

ده لما الاسلام دخل مكة قيل انه قد ازال الرايات الحمر ودى اللى كانت بتعلق على دور البغاء

يعنى هما عايزين يرجعونا للجاهلية حسبنا الله ونعم الوكيل

اما عن الافاظ وخلافه زى ما قالت الاخت المجهولة فيا اختى الموضوع نفسه هو اللى بيفرض هذا النوع من الالفاظ مش الكاتب

والسلام عليكم ورحمة الله وبركاته

elbostagy2 يقول...

السلام عليكم ورحمة الله وبركاته

المدوٍنة الرقيقة فتاة الجنة

جزاكم الله خيرا على هذا الرد الذي أضاف الكثير إلى تلك التدوينة


ذكرتي كيف أن الإسلام عندما جاء بالحق أزال الرايات الحمر

ده طبعا شيء مزعلهم جدا

والدليل الفقره اللي بتقول


في الفقرة 49 عندما اعتبر ان الدين خاصة في الدول التي يعتبر فيها اساسا للتشريع يحد من فرص المساواة ويزيد من العنف، وطالب بجهود ضخمة لتغيير المعتقدات والأعراف التي تدعو لذلك،


حسبنا الله ونعم الوكيل

أنار الله لكم الدرب وثبتكم على طريق الحق

دمتي بكل ود


أسألكم الدعاء ... البوسطجي 2

gohayna يقول...

طبعا انا تصدمت لما قريت التقرير والبنود الي موجوده

بس صدقني دا مخطط علشان هدم المجتمع باكمله

اكتر حاجه تأثر في المجتمع وتهدمه

الجنس

والادمان

واستيراد مفاهيم وعادات ةتقاليد دخيله علي مجتمعنا بحجه التطور والعولمه واتحرر وحقوق الانسان

واسهل وسيله للانحراف وهدم الشباب هو استخدام المرأه والشعار الجنسي كوسيله لالغاء العقل وتغليب الرغبه الحيوانيه علي صوت العقل


بيهدونا والله

حسبي الله ونعم الوكيل

تحياتي اخي الفاضل

elbostagy2 يقول...

السلام عليكم ورحمة الله وبركاته

المدونة العزيزة الدكتورة gohayna

جزاكم الله خيرا على تلك الزيارة التي أعطتني دفعة للكتابة والتدوين

كلام حضرتك سليم مائة بالمائة

اللهم يا مقلب القلوب والأبصار ثبت قلوبنا على دينك


دمتي بكل ود مبدعة معنا متواصلة

أسألكم الدعاء ... البوسطجي 2

ma 3lina يقول...

السلام عليكم ورحمة الله وبركاته

أخي الفاضل .. ربنا يكرمك ويجزيك خير .. مدونتك جميلة جداً ومواضيعك ممتازة .. بارك الله فيك .. وجزاك الله خيرا لدعائك لوالدي

غير معرف يقول...

انا بجد مش لقيه كلام غير انى اقول حسبى الله ونعمه الوكيل)

elbostagy2 يقول...

السلام عليكم ورحمة الله وبركاته

أخي العزيز ما علينا

جزاكم الله خيرا على المرور

ياريت بس تطمنا على صحة الوالد باستمرار

شفاه الله وعافاه وثبت على الحق خطاه

دمت بكل ود
أسألكم الدعاء .... البوسطجي 2

elbostagy2 يقول...

السلام عليكم ورحمة الله وبركاته

العزيز مجهول

حسبنا الله ونعم الوكيل حقا
لكن أعتقد ان احنا علشان نتوكل على الله حق التوكل
لازم نعمل اللي علينا

وإلا أصبح تواكل لا توكل

كل واحد فينا يبدأ بنفسه ويراجعها
وان شاء الله يتصلح الحال

دمت بكل ود
وأرجو الإفصاح عن شخصيتك

أسألكم الدعاء .... البوسطجي 2

غير معرف يقول...

السلام عليكم ورحمه الله
اخوانى فى جميعا
اخى وحبيبى فى الله البوسطجى

بصراحه وبعيدا عن نظرات الاستغراب التى ستراها فى عيون القراء وبعيدا ايضا عن المبالغه فانا لم اصدم عند قرائتى للمكتوب
وأسأل سؤال ماذا ينتظر المسلمون من الغرب غير هذا وأنا لم أصدم لأنى أرى فى الكلام عبارات تحمل معنى (بطن الارض خير لى من ظهرها ان بقى للمسلمين دين او مبدأ على هذه الارض)لذلك لا عجب لان هذه الكلمه قيلت للنبى صلى الله عليه وسلم قديما منذ بدايه الدعوة فهذا الشعار ليس وليد اليوم وان تغير المضمون والاساليب
وناتى لما لا تشتهيه النفوس الجانب العملى
ماذا فعلنا نحن بنو الاسلام امام هذه الوثيقه...لاشئ
ماذا خططنا ان نفعل ضد هذه الوثيقه .....لاشئ
ماذا,ماذا,ماذا,,,,,,؟؟؟؟؟
لاشئ

اعلموا ايها الاخوة بانه ما استأسد الحمل الا بعدما استمرق الجمل

ولا سبيل للنصر وعوده التمكين لهذا الدين الا بالعمل والعلم والاخلاص
والانسان الذى لايملك كيف يخطط لنصرت فكرته ودعوته فهو انسان لايستحق الانتماء لهذه الفكره والدعوة

فأرجو منكم ان تضعوا أمر هذا الدين فى ذهنكم وخططوا له ولا تقلل من شأن تفكيرك وخططك

وأخيرا اعذرونى ان كنت قاسيا فى الكلام ولكن هى الخوف على هذا الدين وأسأل الله ان يثبتنا واياكم على طريق الحق والرشاد

أخوكم
البنا----الشهيد

elbostagy2 يقول...

السلام عليكم ورحمة الله وبركاته

أخي الغالي البنا الشهيد
أحبك الذي أحببتني فيه


أتفق معك تمام الاتفاق
لابد وأن يبدأ كل منا بنفسه
ويجعل له خطة وهدفا

كيف يصلح نفسه وكيف يدعو غيره

وأعتقد ان اللي ما يقدرش يخطط لكده لايستحق الحياه

المثل الإنجليزي بيقول
if you fail to plan,you plan to fail
بمعنى
لو فشلت في التخطيط فأنت تخطط للفشل

وأعتقد ان احنا مش صغيرين أبدا علشان نخطط لنفسنا ولنصرة ديننا

دمتم بكل ود

أسألكم الدعاء .... البوسطجي 2

Jobove - Reus يقول...

irreverent e iconoclast

http://telamamaria.blogspot.com

Thank

elbostagy2 يقول...

Merci du passage

ton ami,elbostagy2

Desert cat يقول...

ايه اللى انا براقراه وبشوفه ده
هى الناس دى عايزه مننا ايه
البنات عمال تصرخ وتشتكى من التحرش اللى بيتعرضوا له وعدم الامان
ودول بينادوا بالانحلال
البلد من سئ الى اسوأ وبطالة وعنوسة وقلة ادب
حسبى الله ونعم الوكيل

elbostagy2 يقول...

السلام عليكم ورحمة الله وبركاته

أختي العزيزة قطة الصحراء

فعلا حسبنا الله ونعم الوكيل

المهم دلوقتي ان كل واحد فينا يحاول يكون إيجابي في مجتمعه

يحاول يوعي اللي حواليه خاصة المراهقين للخطر ده

دمتم بكل ود
أسألكم الدعاء ... البوسطجي 2

oceaneyes يقول...

لا اله الا الله ....

الناس دى بتفكر ازاى ...

بجد اشخاص ماعندهمش حتى عقل ...

ربنا يستر علينا ...

اشكرك على الموضوع يا بوسطجى ...

elbostagy2 يقول...

السلام عليكم ورحمة الله وبركاته

أختي العزيزة oceaneyes

أعمى الله أبصارهم فظنوا انه الحق

لكن من رأيي ان الناس دي قسمين

الأول عارفين مهمتهم وهي تدميرنا

الثاني أتباعهم وهم عمي القلوب والأبصار

حفظنا الله من شرهم وثبت على طريق الحق خطانا

دمتم بكل ود
أسألكم الدعاء ... البوسطجي 2

khaled يقول...

يا سلام يا بسطجى على مواضيعك الحاميه
بتوع حقوق الانسان دول على نفسهم
احنا لينا اسلامنا الى مظبطنا
ومحدد لنا حريتنا بس للاسف لا نطبقها
ولم تعرف الدول الغربيه ماهى حقوق الانسان داخل الدين الاسلامى عشان كده عاملين بيهرطلو بكلام فاضى عن حقوق الانسان
يلا حسن الختام

elbostagy2 يقول...

السلام عليكم ورحمة الله وبركاته

جزاكم الله خيرا يا خلدون على إضافاتك
فعلا الإسلام كفل لينا حرياتنا كاملة

لكن احنا بتفريطنا وتقصيرنا وجهلنا

طلبناها في غيره

نحن قوم أعزنا الله بالإسلام فإن ابتغينا العزة في غيره أذلنا الله

وقد كان

اللهم أرنا الحق حقا وارزقنا اتباعه
وأرنا الباطل باطلا وارزقنا اجتنابه

اللهم آمين