اسألوا أهل الذكر

الجمعة، 4 أبريل، 2008

السادس من أبريل .. سمك لبن تمر هندي

تعالت وتيرة الأحداث في الآونة الأخيرة بشكل غير مسبوق ، فإضرابات عمال المحلة والضرائب العقارية ربما كانت بريق أمل بل نقلة نوعية في تاريخ الشعب المصري في عصرنا الحالي ، تبعتها نقابة الأطباء ونادي أعضاء هيئة التدريس والسائقين ...

وحتى جاء اليوم لتشهد مصرنا تصعيدا شديدا بالدعوة للاضراب العام ،، والاضراب حق دستوري تكفله أحكام محكمة النقض وتؤكّده الاتفاقيات الدولية التي وقعت عليها مصر ، ولا يمكن مصادرة هذا الحق تحت أي زعم أو تبرير .

لكنني أحببت أن أوضح رأيي الشخصي فيما يجري ويدور هذه الأيام ، ولا أظن أن أحدا كائنا من كان سيحجر عليه .

1- أول الأمر أخبرت أن هناك " اضراب عام " عن العمل ، ثم ما لبث الأمر أن أتتني رسالة من شخص آخر يحدد أماكن " الاعتصام " ، وبعد ساعات وجدت آخر يدعوالى " تظاهرة سلمية " .. وانتهى الأمر في نهاية المطاف الى كونه " عصيان مدني " !!

ولي هنا وقفه .. هل يستطيع من حدد هذه الفاعليات أن يفرق بين كل عنصر مما سبق ؟! ، أو أن يذكر متطلبات الاعتصام والاضراب والعصيان المدني والتظاهر وتبعاتها ؟!

الأمر الذي أعطاني الحس بالتخبط وعدم وضوح الرؤية ،،

2- من المسئول عن فاعليات هذا اليوم ؟! ،،
هل هي جهة معينة نستطيع أن نسائلها عن أية فاعليات ؟!
من المتحدث الاعلامي عن اليوم وممن نأخذ مصادرنا ؟!

أم أن كل كلمة ترسل عن طريق الايميلات والموبايلات هي مرسوم أو فرمان واجب التنفيذ !!

3- كل ما أرى حتى الآن مجرد دعوات جوفاء .. رسائل بريدية أو رسائل محمول أو مدونات !!
هل هذه مقومات لاعتصام أو عصيان مدني أو اضراب ؟!
أم أن الأمر يحتاج للجان بحث وتقصي لتحديد قوة الاعتصام ومدى تفاعل الشارع معه ، ونسبة المخاطرة ولجان عمل متعددة اعلامية وتنفيذية ، ولجان تنسيق بين المحافظات ؟!!

4- ما هو هدف فاعليات اليوم ؟!
هل تضامنا مع العمال كما قيل أول الأمر ؟!
أم أن الأمر يتعلق بمطالب فئوية !!
أم أن السبب الرئيسي هو
غلاء الأسعار !!

نقاط ربما أثيرت في مخيلتي كثيرا ولم أجد الرد عليها ،،

لا أحب أن أنجرف خلف عواطف ربما أضرت بركب الوطن ككل ،
انما الحق أن يكون العقل والتعقل هو السمة الأساسية لأية اجراء أو رد فعل


أحمد البوسطجي
-------------------------------
تحديث
-------

1- تخاذل الاخوان المسلمين عن أحداث أبريل !!

أتكلم بوضوح أكبر ،،

قرار مشاركة جماعة بحجم جماعة الاخوان في أية فاعليات عموما لابد أن تُدرس جيدا ،،
ولا أعتقد ان حد عنده اعتراض على كده .
ما وصل جماعة الاخوان أن الاضراب اضراب لعمال المحلة ، وكفر الدوّار ،،
عن طريق سبل اتصال رسمية من متحدثين باسم العمال .

وبالتالي فحتى ذلك الحين الأمر" فئوي " .
أي يخص فئة معينة من الناس هم العمال

مش معنى كده ان الاخوان باعوهم كما قيل ،،
معنى ذلك ان اللي هيشارك من الاخوان هم " فئة العمال "

كذلك الأمر بالنسبة لأعضاء هيئة التدريس
من يشارك أعضاء هيئة التدريس
وأعتقد ان كان واضح للداني والقاصي ظهور أعضاء هيئة التدريس من الاخوان في كل الجامعات
ومستعد أقول أسماء ،،،

تطوّر الأمر بعد ذلك كثيرا من اضراب .. لاعتصامات .. لعصيان مدني !!
طيب هو مين اللي قال كده يا عمو
أيوه يعني مين اللي عمل كل ده
وياترى على أساس

واذا كانوا بيقولوا ان كل القوى السياسية شاركت في صياغة القرار ده
أمال الاخوان كانوا فين من وضع القرار !!

نزول جماعة بحجم جماعة الاخوان لعصيان مدني بهذه الصورة غير المدروسة يفتح بوابة النار على " الوطن "
لانه بمثابة " انقلاب " .

2- كم كنت واثقا من لهجات التخوين لكل من عارض هذا الكلام ،،
بل أتوقع أكثر من ذلك ،،

لأنني واثق بأن كثيرين لا يحترمون لغة الحوار :)
من ليس معنا فهو ضدنا !!

هذا رأيك وذاك رأيي ،،
هتشارك أهلا وسهلا
مش هشارك .. ليه بقى نقول دول خونه والوجه الآخر للنظام !!

معلش يعني لما أقول ان حضرتك لم تشارك في أية فاعلية شارك فيها الاخوان أقول عليك خائن وعميل !!
ولو لم تشارك في فاعليات فلسطين تبقى حضرتك الوجه الآخر للصهاينة !!

كلام غير مقبول بالمرة

3- الأمر لا يعدو كونه " تهليل " على النت وبين فئات كالمدونين والحقوقيين وقلة من الشعب ،،
وده رأيي ،،
علشان نقدر نحدد حاجه زي دي بوضوح ،، المفروض يكون فيه لجان تقصي بوحث في كل محافظة ،، ويكون فيه لجان ربط بين المحافظات
والا كلامنا كله " كلام مصاطب " ،، معلش يعني ،،

4- للجميع مطلق الحرية في نقد موقف الاخوان ، ولهم كذلك مطلق الحرية في تخوينهم - وسيُسألون عن ذلك أمام الله -
كما أن للاخوان الحق في المشاركة أو لا حسب ما يتسنى لهم من رؤية .

5- موقفي الشخصي غير مرتبط بجماعة الاخوان ، ومن يعرفني جيدا ربما تناقشت معه قبل اعلان موقف الاخوان بأسبوع أو أكثر ..
ومن اشترك من شباب الاخوان بشخصه فلا حرج أبدا عند الاخوان
لهم مطلق الحرية
لكن مش معنى كده ان البقية التي لم تشارك كما قيل " إمعة " ،،

6- كلامي هذا لا يعدو كونه وجهة نظري الخاصة .. فلست متحدثا باسم أحد ،، وبالتالي فلا اختلاف ، ولا حجر على الرأي ،،


ربما كانت لي اضافات على المقال
كم أود أن تؤخذ محل اجدية والتنفيذ بدلا من أن تؤخذ محل العصبية والتنفيس ،،

هناك 14 تعليقًا:

عصفور المدينة يقول...

معاك ياباشا تماااااااما

انا مسلمه يقول...

العجيب فعلا ان الكل حاسس بكدة ومحدش عارف هيا الدنيا ماشية ازاى
النهاردة محمود عزت امين جماعة الاخوان فقال ان احنا مع الاضراب وان كنا لن نشارك فية لانة لم يتم التنسيق معاهم وعرفوا عن العصيان دة من الاعلام
الرسايل اللى بتتبعت بتقول غير كدة بتقول انه جهد مشترك من كفاية والاخوان والجبهة
حاسة ان كفاية هتتطلع برضة تقول نفس الكلام بس الوحد بيقول اية المانع ان يكون فعلا الشعب هوا المحرك الاساسى للموضوع
وخايفة نكون بقينا متوجسين من اى حاجة

بنت الاسلام يقول...

أحمد

الاضراب خرج عن نطاق النت والايميلات

بكتير

دخل الاعلام

ووصل للموظفين

وبجد تقريبا وصل لاغلب طوائف الشعب

واهي محاولة

مش بنتنبأ بنجاحها

ولا بنتمني فشلها

لكن بنأمل انها تكون خطوة جيدة

وتكون صرخة جماعية

بتضمنا كلنا

ارحموووووووونا بقي

تحياتي

محمد مارو يقول...

انا واثق
بل و متاكد
و على يقين تام جدا جدا جدا

ان موقفك ده كان هيتغير لو كان الاخوان عبروا عن مشاركتهم

و لو بكره الاخوان قالوا هيشاركوا هتبارك القرار

ليس لانك امعه انا لا اقصد هذا طبعا

و لكنى عارف و متاكد مدى تماسك الاخوان

وعاوز اعرف ان فى ناس كبيره فى الاخوان اعرفها و ردت عليه و قالوا انهم هيشاركوا كا افراد
و ليس كا جماعه

دليل على انهم مش موافقين على القرار

elbostagy2 يقول...

أستاذي عصفور المدينه ،،
جزاكم الله خيرا على الزياره :)

elbostagy2 يقول...

أنا مسلمة ،،،

التخبط دليل على الفشل يا اختي
أنا شكيت ان الاخوان مشاركين من ورايا من كثرة التصريحات انه باتفاق كافة القوى الوطنية :D

حددوا هدف موحد ، وفاعليه معينه وانا معاكم ان شاء الله :)

elbostagy2 يقول...

بنت الاسلام ،،،
أختي الكريمة
مين اللي قال ان الفاعليات خرجت عن النت ؟

هل لجنة على أساس علمي بحثت الأمر وكونت لجان تقصي بحث وربط بين المحافظات

ولا .. معلش يعني في الكلمة " كلام مصاطب " ؟

حضرتك قلتيها .. هي صرخه عاليه :)
يعني تنفيس كبت ،،
يعني مجرد مشاعر بتطلع .. لكن تنظيم أشك ولا أتنبأ أنه يضر أكثر مما ينفع ،،،

عموما أسأل الله أن ينفع بنا وبكم
أسأل الله أن نرى الحق حقا وأن يرزقنا اتباعه
وأن نرى الباطل باطلا وأن يرزقنا اجتنابه

elbostagy2 يقول...

الغالي مارو

الاخوان المسلمين أكبر من تنحصر في هذه السطور .. ورأيها في المشاركة لم ينبع أبدا من ضيق الوقت ولا الانشغال

والدليل ان الاخوان بيعتبروا اللي حصل ده " أمر فئوي "

بمعنى ان نظرة الاخوان للأمر علشان نتكلم بوضوح خاص بالعمال وانتفاضتهم

كل اللي حصل بعد كده تقدر تقول لي مين اللي نظمه ؟
مين اللي مسئول عنه ؟

أتحدى ،،،

------------------
ده تعقيبي على مدونة حضرتك
--------------
رأيك طبعا له كامل الاحترام يا مارو .. وانت عارف كده :)
خلينا نتكلم من زاوية تانية ،،،

هو أي حد يطلع يقول يللا بينا نمشي وراه ؟؟؟
يعني خلينا نسأل شوية أسئلة ...

ايه الهدف من فاعليات اليوم ده ؟
هل الدفاع عن العمال ،، وعلى فكره ده في البدايه خالص كان الهدف
اضراب لعمال المحلة واشترك معهمعمال كفر الدوار
وقال عدد من المدونين ان هما هيشاركوهم بالجلوس في البيت والاضراب عن العمل أو الدراسه

تاني يوم لقينا واحد باعت أماكن الاعتصام
طيب هو فيه فرق بين الاعتصام والاضراب يا عمو ،،،

تالت يوم لقينا اللي بيتكلم عن غلاء الأسعار وانقلب الأمر الى عصيان مدني !!

والله لما نعرف مراحل العصيان المدني وتبعاته ودرجاته ونخطط له صح
أنا معاك

لكن كلام يجيب كلام
يبجيب كلام
من غير نظام

يبقى لا ،،

جماعه بحجم جماعة الاخوان لما تنزل الشارع وتعلن عن عصيان مدني بدون حسابات هتتقلب لنار ،،
معلش يعني هو مين المسئول عن الفاعليات في اليوم ده

أيوه يعني مين المتحدث عنهم علشان نسأله أو علشان يدعي الناس والجماعات ؟
ماحدش .. أي رساله بتيجي على الميل بناخدها على انها خلاص أمر غير قابل لنقاش ونعمل لها " فوروارد "
واهي ماشيه وبتنتشر ،،،

انا مع الاضراب ومع أية فاعليات نرى فيها مصلحة الوطن
لكن ما يحدث ويجري ليس الا " تنفيس كبت "

جميل أن نرى هذا التفاعل .. لكنه حتى الآن من وجهة نظري لا يعدو كونه انفعال وقتي لا تعقلي

ممكن نكون بنظن ان كل الناس متفاعله !!
مش معنى اني متفاعل وحاسس بالأمر ان كل الناس زيي
أو ان كل الناس مستعده للمواجهه

المفروض يكون فيه لجان دراسة جدوى وبحث علشان تحدد الكلام ده
وهذا ما لم نره حتى اللحظه

الأمر أكبر من ذلك
أتمنى لو نتعمق بالبحث فيه بعيدا عن العواطف :)

مدحت محمد يقول...

انا ضد التخوين
لكن جماعة بحجم وقوة الاخوان
انا شايف انها المفروض كانت تشارك
وكنت اتمنى كمان انها تكون صاحبة الفكرة
وكانت تقوم بتنظيمها
لانها صرخة شعب
انا حزين لعدم مشاركتها

شوقى رجب يقول...

اخى الكريم
مش هكرر كلامى اللى رديد بيه فى مدونة جيم اوفر
بس عاوز اقول ان فعلا القوى الوطنية هي الداعى لهذا اليوم ( القوى الوطنيه الحقيقيه )الناس فى الشوارع اللى استجابت مش احزاب ولا حركات ولا جماعات
ونعيد تانى ان التجربه جديده على شعب مصر علشان كده مخدتش شكل واحد للتعبير عن الغضب

عبدالرحمن محمد زيان يقول...

المشكلة ان الاضراب عشان الاكل
هل تحولنا لشعوب زاحفة علي بطنها

MARIAM يقول...

كلامك رائع و فى محله

و ان دل فهو يدل ان الشعب عايز ينفجر بس مش عارف يعمل ايه

فى انعدام وعى سياسى خلى الاعتصام زى الاضراب زى التظاهر السلمى

بس هو فى الاول و الاخر بارقه امل

لايه ؟؟

ان الشعب ممكن ينفجر

و شكرااا

اوعى تفكر يقول...

كان قرار صحيح من الاخوان انهم ميشاركوش فى الاضراب زى ما انت قولت
لان الاضراب مش متنظم
كمان الحكومه كانت مستنيه القرار ده عشان يكسروا ويخربوا ويلبهولنا
وكان زمانى انا وانت يا ريس مرميين مع بعض فى بورش واحد

Desert cat يقول...

اصدقائى الأعزاء المدونين والمدونات
سيتم اذاعه الحلقة الخاصة بإجابة سؤال تبريد البروسيسور يوم الخميس الموافق 19/6
فى برنامجنا الاذاعى
انت تسال والكمبيوتر يجيب
الذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
وسيتم اذاعه كومنتات
عبده الرايق
البوسطجى
مصرى بدرجة مواطن
سومة
ميسوسوب
حبيبة القمر
نونونيم
روفى
غير معروف
جيهان على
بنت مصرية
سالى
آلام وآمال

كما يمنكم سماع الحلقة بعد اذاعتها من الـ box
على يمين المدونة
http://netonradio.blogspot.com/

او من خلال الموقع
http://dear.to/cairo

تمنياتنا بدوام التواصل